الطابونة ... رغيف العيش !!!

فى مصر بس دونً عن كل دول العالم اللى بتشتكى من رغيف العيش والدعم هاينزل على رغيف العيش ولا لا والناس هاتموت من الجوع ... بصراحة انا مش عارف الحكومة تعمل اية معانا يعنى هو ينفع ادى لأبنى 5 قروش واقولة انزل هاتلك حاجة من البقال استحالة طبعا لأن مفيش حاجة ب5 قروش وبالتالى احنا نحمد ربنا ان فى رغيف عيش وب 5 قروش حلو بقى وحشى بقى مهو ب 5 قروش فى صراصير فى قرود مهو ب 5 قروش ولا احنا شعب بنحب نعترض وخلاص ...!!
موقف صغير
وانا واقف ودة مش تأليف دة موقف حقيقى انا رايح علان اجيب بجنية عيش وزى ما احنا عارفين انا لو رايح اجيب 5 ارغفة هاجيبهم وامشى على طول من غير طابور لانهم 5 يعنى ولقيت اصحابى واقفين فى الطابور قولت بلاش ادى لكل واحد يجيبلى ب 25 قرش وامشى على طول ووقفت فى الطابور زيى زى غيرى وفجأة جات واحدة ست قالت للراجل اللى واقف فى الفرن الاقفاص اة ودى عشرة جنية نص ساعة واجى اخدهم منك ... انا استغربت قولت يمكن لو انا عايز ب 1.50 هايدينى وم هايقولى حاجة وبعد عناء طبعا وصلت والحمد لله وجيت اديلة الفلوس قالى هو بجنية بس قولت لة اشمعنة يعنى مهو فى واحدة جات وسابت الفلوس ومش هاتقف فى طابور وهتاخد عيش كمان اشمعة احنا قالى هو كدة ... المشكلة بقى مش فى الجنية ولا الجنية ونص يعنى ...المشكلة انى لقيت شكل الفرن من جوة ميخليش الواحد يفكر يحط اللقمة فى بؤة ..شكلها بجد بزيىء جدا ولأبعد الحدود ... يارب ارحمنا
طبعا فى تناقد فى الكلام بس خلى دماغك اكبر من كدة