خطــــــــوط فاصــــلة

نفسى اكتب ومش عايز اكتب .. مش عارف اعمل اية .. بقالى اكتر من 3 ايام بقكر .. اول لمة افتح المدونة .. اقفلها تانى .. محتار ابدأ من اين .. اكتب فى انهى موضوع .. احكى ازاى ع اللى جوايا .. مش عارف .
الحكومة خلت الناس .. متعرفشى تفكر .. ولا تكلم .. ولا تاكل .. ولا تجوز .. ولا تخطب .. ولا حتى تشتغل ..
كلمة لا .. محدش عارف يقولها .. او كلة خايف يقولها .. انا مبقتش عارف اقول اية .. زهقت من الكلام ..
وادخل المدونات هتلاقى كتــــــير كلام كويس وموزون .. وعاقل كمان .. بس كلام ..وادخل المنتديات هتلاقى اكتر واكتر .. وامسك جرنال الاسبوع وامسك الدستور .. بردة كلام .. محدش بيتحرك .. محدش عايز يبقى احسن .. بمشى فى الشوارع اغلب الايام .. وفى اى مكان اكون فية .. الاقى الناس بتشتكى .. الناس تعبانين .. محتاجين حد يسمعهم .. يحس بيهم .. مش عايزين اكتر من حقهم .. بس .. طب نص حقهم .. الناس غلابة قوى .. المفاجأة جت بخراب علي كل الموظفين فى الحكومة .. ومش الحكومة بس .. انا لسة طالب .. بركب مواصلات .. بأكل .. وبشرب .. وبشترى ..ومحدش بيدينى فلوس اخر كل شهر .. اعمل اية .. وعلى رآى الست .. اروح لميـــــن .. وغيرى كتير .. بسمع الناس ومشاكلهم .. وبيبقى هاين علية .. ولا بلاش .. كل حاجة غالية فى البلد .. كل حاجة مولعة نااار ..بس انا بقى عندى الطباخ بتاعى .. ومبنزلش الشارع .. بشوفة فى التليفزيون .. ومش بشترى الدستور ولا الاسبوع .. بقرأ الاخبار والاهرام ..

فى يوم من الايام .. جبت قناة روتانا .. مع انى مش من محبيها .. وشوفت مزيعة لفتت نظرى صراحة .. لكن اللى لفت نظرى اكتر .. مفيد فوزى .. وبدون اى مقدمات قولت لبابا على الصوت .. الراجل دة الناس لازم تسمعة بيقول اية .. تحبة .. مش بتحبة .. براحتك .. بس انا بسمعة بس .. وبالفعل سمعتة .. ولقيتة بيتكلم عن حال الشعب .. وقال .. لقد كتب فى يوم مقال .. وجهتة لرئيس الجمهورية .. السيد / محمد حسنى مبارك .. قولتلة .. يا سيادة الريس .. شعبك تعبان .. محتاجك جنبة .. سيبك بقة .. من مشاكل الدول العربية شوية .. اتصل سيادتة الرئيس .. بمفيد فوزى .. وقالة .. دة قدرنا يا مفيد ..... وكفاية كدة .. !!

وافتكر كلمة الشيخ : محمد متولى الشعرواى ..
ورحم الله الشيخ الجليل واسكنه الفردوس الاعلي ..

وانى يا سيادة الرئيس اقف على عتبه دنيايا لأستقبل اجل الله فلن اختم حياتي بنفاق ولن ابرز عنتريتي باكتراء ولكني اقول كلمة موجزة للامة كلها حكومتا وحزبا ومعارضة ورجالا وشعب .. اسف ان اقول سلبي .. اريد منهم ان يعلموا ان الملك كله بيدي الله يأتيه من يشاء فلا تأمر لأخذه ولا كيد للوصول إليه فأن الحق سبحانه وتعالي حينما حكي حوار ابراهيم للنمروز ماذا قال له .. الذى حجا ابراهيم فى ربه وهو كافر قال ان اتاه الله الملك فالملك حين ينزله الله قال يأتي الملك لمن يشاء فلا تأمر على الله لملك ولا كيد على الله لحكم لانه لا يحكم احدا فى ملك الله إلا بمراد الله .. فإن كان عادلن فقد نفع بعدله وان كان ظالما بشع الظلم وقبحه فى نفوس كل الناس فيكرهون كل ظالما ولو لم يكن حاكما ولذلك اقول للقوم جميعاً والحمد لله قد تأكد لنا صدق الله فى كلامه بما جاء من الاحداث فكيف كنا نفسر قول الله ويمكرونا ويمكروا الله فكيف كنا نفسروا انهم يكديون كيدا ونكيدوا كيدا الله يريد ان يثبت - قيوميته - على قومه فانا انصح كل من يجول براسه ان يكون حاكما انصحه بان لا تطلبه بل يجب ان تطلب له فان رسول الله قال من طلب الي شيء اعين عليه ومن طلب شيء وكل إليه .. يا سيادة الرئيس اخر ما احب ان اقوله لك ولعل هذا يكون اخر لقائي انا بك .......... ( ووضع الشيخ يده على كتفي الرئيس وقال) ...
اذا كنت قدرنا فليوفقك الله فإذا كنا قدرك فليعنك الله على ان تتحمل .
http://www.bolbol.net/islamics/video...th_mubarak.ram